Rusiyalı döyüşçü Maqomedov Həbib kimi super ulduz olmaq istəmədiyini deyib
Rusiyalı döyüşçü Şarabutdin “Şara Bullet” Maqomedov “Vestnik MMA” YouTube kanalında Ultimate Fighting Championship (UFC) ilə müqavilə imzalamasını şərh edərək, Həbib Nurməhəmmədov kimi olmamaq üçün başqa təşkilatları nəzərdən keçirdiyini etiraf edib.
Maqomedov bildirib ki, Əli Abdel-Əziz ona UFC ilə müqavilə bağlamaq təklifi ilə zəng edib, lakin o, əvvəlcə imtina edib.
“Əbdüləziz mənə UFC-də super ulduz olacağımı söylədi. Cavab verdim ki, super ulduz olmaq istəmirəm. Mən Həbib Nurməhəmmədov kimi olmaq istəmirəm, çünki onun daim hiss etdiyi məsuliyyəti bilirəm”, – deyə Maqomedov əlavə edib.
Maqomedov onu da bildirib ki, Abdel-Əzizlə danışdıqdan sonra hər şeyi təhlil edib və bundan çıxış yolu olmadığını anlayıb.
Platforma.az xatırladır ki, Maqomedov UFC ilə 2023-cü ildə müqavilə imzalayıb. O, 76,2 kq çəki dərəcəsində peşəkarlar arasında tay boksunda Rusiya çempionudur. Maqomedov həm də tay boksunda idman ustası tituluna malikdir.
