İkinci Qarabağ müharibəsindən dərhal sonra dörd kəndlə bağlı məsələ qaldırdıq. Əslində biz bu kəndləri heç vaxt unutmamışıq. Prezident İlham Əliyev bunu aprelin 23-də ADA Universitetində təşkil olunan “COP29 və Azərbaycan üçün Yaşıl Baxış” mövzusunda beynəlxalq forumda çıxışında deyib.
“Ekslavlar məsələsi başqa məsələdir, çünki bu, daha mürəkkəbdir. Onlar başqa ölkə ilə əhatə olunmuş ərazidə yerləşirlər. Ona görə də delimitasiya zamanı onlarla bağlı məsələlər öz həllini tapmalıdır”, – deyə dövlət başçısı vurğulayıb.
