“Baş nazir xanım Pejçinoviç-Buriçin Ermənistana səfərini alqışladı və Avropa Şurası ilə əməkdaşlığın vacibliyini vurğuladı.Görüşdə Ermənistan-AŞ 2023-2026-cı illər üçün fəaliyyət planının icrası və demokratik siyasətin gündəliyinin həyata keçirilməsi istiqamətində atılan addımlara toxunulub. Bu kontekstdə Paşinyan Ermənistan hökumətinin sadiqliyini və siyasi iradəsini vurğuladı”, – Ermənistan Nazirlər Kabinetinin saytında dərc olunan mesajda deyilir.

Qeyd olunur ki, Paşinyan Avropa Şurası ilə əməkdaşlıq gündəliyinə toxunaraq, təşkilatın Qarabağdan olan məcburi köçkünlərin problemlərinin həllində və beynəlxalq dəstəyin verilməsində rolunu vurğulayıb.

“Avropa Şurasının baş katibi Avropa Şurası ilə Ermənistan Respublikası hökuməti arasında sıx əməkdaşlığın, o cümlədən Ermənistanda institusional islahatların həyata keçirilməsi kontekstində əməkdaşlığın vacibliyini vurğuladı”, – bəyanatda deyilir. Qeyd olunur ki, Peyçinoviç-Buriç Ermənistan hökuməti tərəfindən müxtəlif istiqamətlərdə islahatların effektiv həyata keçirildiyini bəyan edib.

“Regionda baş verən proseslər, Ermənistan-Azərbaycan münasibətlərinin tənzimlənməsi prosesi, regional nəqliyyat infrastrukturunun blokdan çıxarılması imkanlarına toxunulub.Baş nazir Paşinyan Ermənistan hökumətinin “Dünyanın kəsişməsi” layihəsini və onun prinsiplərini təqdim edib. Avropa Şurasının baş katibi qeyd edib ki, “Dünyanın kəsişməsi” layihəsi Ermənistan-Azərbaycan sülh prosesi üçün mühüm ilkin şərt ola bilər”, – mətbuat xidməti qeyd edib.

Mətbuat xidmətindən bildiriblər ki, görüşdə Dağlıq Qarabağdan olan məcburi köçkünlərin humanitar problemləri ilə bağlı məsələlər müzakirə olunub