Raport.az AP News-a istinadən xəbər verir ki, Misirdə arxeoloqlar skanerdən istifadə edərək Giza piramidasının içərisində əvvəllər gizli və möhürlənmiş dəhliz aşkar ediblər.
Xufu piramidasının şimal tərəfində, daha çox Xeops piramidası kimi tanınan dəhliz müasir skan texnologiyasından istifadə edilməklə aşkar edilib. Artıq məlumdur ki, onun uzunluğu 9 metr, eni isə 2 metrdir. Otaq piramidanın əsas girişinin üstündə yerləşir.
Arxeoloqlar bu dəhlizin hansı funksiyanı yerinə yetirdiyini hələ bilmirlər və onu kamera adlandırırlar, çünki ona kənardan giriş yoxdur.
Bundan əvvəl, 2017-ci ildə elm adamları Xufu piramidasının içərisində də başqa bir möhürlənmiş 30 metrlik dəhlizin kəşf edildiyini elan etdilər.
Misir arxeoloqu Zahi Hawass və Misirin turizm naziri Əhməd Eyssa bildiriblər ki, tapıntı qədim strukturun tədqiq edilməmiş fraqmentlərinin tədqiqi üçün müasir skan üsullarından istifadə edən beynəlxalq Scan Pyramids layihəsinin bir hissəsi kimi hazırlanıb.
Münhen Texniki Universitetinin professoru və layihənin aparıcı iştirakçılarından birinin sözlərinə görə, alimlər kameranı aşkar etmək üçün “ultrasəs ölçmələri və georadar”dan istifadə ediblər. O, ümid edir ki, onların istifadəsi piramidanın içərisində naməlum olanı daha da kəşf etməyə kömək edəcək.
“Kameranın sonunda iki böyük əhəngdaşı parçası var və indi sual bu daşların arxasında və kameranın altında nə olduğudur”, – tədqiqatçı planlarını bölüşüb.
Qeyd edək ki, daha əvvəl bildirilmişdi ki, Çində arxeoloqlar Yueyang şəhər rayonundakı sarayda qazıntılar zamanı sidiklə tualet aşkar ediblər. Onun 2400 il əvvəl yaradıldığına inanırlar.
