İstanbulda keçirilən “Trade Wind” tədbiri Türkiyə və Azərbaycan iş dünyasının önəmli şəxslərini və tanınmış sənətçiləri bir araya gətirdi.
Tədbir iki ölkə arasında iqtisadi əməkdaşlığı dərinləşdirmək və yeni iş imkanları yaratmaq məqsədi ilə həyata keçirildi.
Tədbirdə iş adamları, siyasətçilər, akademiklər, məşhur sənətçilər, jurnalistlər və öz sahəsində tanınmış bir çox mühüm şəxs iştirak etdi. “Usuboğlu Group”un ev sahibliyi etdiyi bu tədbir Türkiyə və Azərbaycan iş dünyası üçün strateji bir dönüm nöqtəsi olaraq önə çıxdı. İştirakçılar peşəkar əlaqələrini genişləndirmək və yeni investisiya imkanlarını qiymətləndirmək üçün əla fürsətlər əldə etdilər.
Aysel Nazim aparıcılığı ilə baş tutan tədbir zəngin proqram axışı ilə diqqət çəkdi. İştirakçılar Türkiyə və Azərbaycan mədəniyyətlərinin zənginliklərini əks etdirən müxtəlif performanslar və tədbirlər ilə unudulmaz bir gün yaşadılar.
“Usuboğlu Group”nun başqanı Samirali Usuboğlu açılış nitqində bu tədbirin Türkiyə və Azərbaycan arasındakı ticarət əlaqələrində mühüm bir dönüm nöqtəsi olacağını vurğuladı. Usuboğlu, tədbirin məqsədinin iki ölkə arasındakı iqtisadi bağları gücləndirmək və mövcud əməkdaşlıq potensialını artırmaq olduğunu qeyd etdi. O, belə təşkilatların iş dünyasında və mədəni əlaqələrdə yeni imkanlar yaratma mövzusunda önəmli rol oynadığını ifadə etdi. Usuboğlu, bu tədbirin iki ölkə arasında daha güclü və təsirli əməkdaşlıqlar qurmaq potensialına malik olduğunu bildirdi.
“Yeşil Fidan” kənd təsərrüfatı məhsulları firmasının sədri Haydar Kilinç bu cür təşəbbüslərin cəmiyyətlər arasında anlayışı dərinləşdirəcəyini və uzun müddətli strateji əməkdaşlıqların qarşısını açacağını bildirdi.
“İshak Yapı” şirkətinin sədri İshak Daşdan, tədbirdə çıxış edərək inşaat və tikinti sektorunda iki ölkənin potensialını birləşdirərək həm yerli, həm də beynəlxalq bazarlarda güclü bir sinerji yarada biləcəyini vurğuladı. O, birgə layihələrin həyata keçirilməsinin iki ölkənin iqtisadi inkişafına və strateji hədəflərinə çatmasına önəmli töhfələr verəcəyini qeyd etdi.
“Meta Burger” qurucusu Osman Sağdıç isə belə tədbirlərin həm iş dünyasında, həm də cəmiyyətdə qalıcı və güclü əlaqələrin qurulmasına töhfə verdiyini ifadə etdi.
Tədbirdə Gazi Universitetinin doktorantı, araşdırmaçı yazar Şəhla Aslan çıxış edərək Türkiyə və Azərbaycan arasındakı əlaqələrin dərinləşməsi üçün mədəni əməkdaşlıq və akademik layihələrin həyati əhəmiyyət daşıdığını vurğuladı. Ş. Aslan,iki ölkə arasında qalıcı və güclü əlaqələr qurmanın yolunun, mədəni zənginliklərin qarşılıqlı olaraq paylaşılmasından və akademik əməkdaşlıqların artırılmasından keçdiyini bildirdi.
Türkiyə KOBİ qurucusu Koray Aksu kiçik və orta ölçülü müəssisələrin beynəlxalq bazarlara çıxış proseslərini və Türkiyə-Azərbaycan əməkdaşlığı kontekstində yeni imkanları ətraflı izah etdi. O, həmçinin bu müəssisələrin böyümə strategiyaları haqqında önəmli məlumatlar təqdim etdi.
Ədliyyə Nazirliyinin “Değer” dərgisinin yazı işləri müdiri Hakan Erdem tədbirdə çıxış edərək iki ölkənin iş dünyası təmsilçilərinin bir araya gələrək yeni iş imkanları yaratmalarının yanında, mədəni qarşılıqlı əlaqələrin də bu prosesdə önəmli rol oynadığını vurğuladı.
Bundan başqa, tədbirdə “Fuzul Holding”in qurucusu Eyüp Akbal, “Arda Holding”in qurucusu Uğur Ayrım, iş adamı Salim Yazıcı, ilk Türk qadın detektivi Hilal Sakar, yazar Səddətin Turan, iş adamı Osman Sağdıç, Anadolu Respublika Baş Prokurorluğunun müavini Sıddık Ilgar, İstanbul Medipol Universitetindən Prof. Dr. Yeter Demir Uslu, SABF kafedra müdiri Gürkan Gözne, Prof. Dr. Lütfü Ilgar kimi mühüm şəxslər iştirak etdilər.
Tədbirdə sponsor və dəstəkçi qurumların nümayəndələrinə təşəkkür plaketləri və hədiyyələr təqdim olundu.
Tədbir Türkiyə və Azərbaycan mədəniyyətlərinin zənginliklərini əks etdirən bir sıra fəaliyyətlərlə daha da rəngləndirildi. Azərbaycanın tanınmış sənətçisi Elnara Abdullayeva tədbirdə unudulmaz musiqi proqramı ilə çıxış etdi. O, tamaşaçılara vətənpərvərlik ruhunu aşılayan mahnılar təqdim edərək hər kəsi duyğulandırdı Bundan başqa, 2024 Eurovision mahnı müsabiqəsində Azərbaycanı təmsil edən İlkin Dövlətov və Fəxri İsmayılov, Pərvaz İbrahimli, Leyla Rəhimova xüsusi performansları ilə diqqət çəkdilər. İştirakçılar DJ performansları və canlı rəqs nümayişləri ilə əyləncəli anlar yaşadılar.
Tədbirin sonrakı saatlarında keçirilən “after party” iştirakçılara sosial mühitdə iş əlaqələrini inkişaf etdirmək və yeni iş imkanlarını kəşf etmək imkanı verdi.
Tədbir zamanı ən yüksək səviyyədə təhlükəsizlik tədbirləri görüldü və iştirakçıların rahatlığı təmin edildi.
“Trade Wind” adlı bu tədbir Türkiyə və Azərbaycan arasındakı əməkdaşlığı daha da irəli aparan önəmli bir görüş olaraq yaddaşlarda qaldı.
Şəhla Aslan,
Türkiyə, İstanbul
