Qastroenteroloqların fikrincə tez-tez ət istehlakı ürək-damar xəstəlikləri riskini artırır.
Qırmızı ət insan sağlamlığına mənfi təsir göstərə bilər. Mal əti, donuz əti, quzu ətinin tez-tez istehlakı xolesterolu və qan təzyiqini yüksəldə bilər, bununla da ürək-damar xəstəlikləri riskini artırır. Raport.az xəbər verir ki, bu barədə Gazeta.Ru-ya qastroenteroloq Yekaterina Yesakova məlumat verib.

“Qırmızı ət istehlakının artması ilə kolon xərçənginin inkişaf riski arasında əlaqəni sübut edən tədqiqatlar da var. Beləliklə, ürək-damar və bağırsaq xərçəngi riski olan insanlara bu məhsulu qida rasionunda məhdudlaşdırmaq tövsiyə olunur “, – deyə həkim xəbərdarlıq edir.

Eyni zamanda, qastroenteroloq qeyd edir ki, qırmızı ətin tərkibində olan faydalı maddələri (B qrupunun vitaminləri, dəmir, sink, selen və digər vitamin və minerallar) da unutmaq olmaz: “Əgər insan ətdən imtina etmək qərarına gəlirsə, o, qidasını şaxələndirməlidir. kifayət qədər miqdarda qida ehtiva edən bitki məhsulları ilə pəhriz saxlamalıdır.
Gəkim bildirib ki, kəskin arıqlama zamanı mütləq həkimə mütaciət edin, şəkərli diabet və tireotoksikozdan xəbər verə bilər.