Ermənistan xarici işlər nazirinin müavini Vahan Kostanyan Gürcüstanla sərhədin delimitasiyası prosesinin başa çatdırılmasının vacibliyini bəyan edib. Bu barədə erməni mətbuatı yazır.
Kostanyan ölkələr arasında bu məsələ ilə bağlı son danışıqların tarixlərini dəqiqləşdirməkdə çətinlik çəkib və onların təxminən 3-4 il əvvəl baş tuta biləcəyini ehtimal edib.
Yanvarda baş nazir Nikol Paşinyan bildirib ki, Gürcüstanın keçmiş baş naziri İrakli Qaribaşvili ilə görüşdən sonra Ermənistan və Gürcüstan sərhədlərin delimitasiyası prosesini başa çatdırmaq üçün lazım olan tədbirləri görməyə razılaşıblar.
Ermənistan-Gürcüstan sərhədinin delimitasiyası hazırda üçdə ikisi tamamlanıb. Bu məsələ ilə bağlı dialoqun bərpası təşəbbüsü 2019-cu ildə İrəvanda erməni həmkarı Armen Sarkisyanla keçirdiyi birgə brifinqdə Gürcüstan prezidenti Salome Zurabişvili tərəfindən irəli sürülüb.
Sovet İttifaqının dağılmasından sonra hər iki keçmiş sovet respublikasının müstəqillik əldə etməsi, sərhədlərin sovet standartları üzrə delimitasiyası çətin olduğunu nəzərə alsaq, Ermənistan-Gürcüstan sərhədinin delimitasiyası və demarkasiyası məsələsi xüsusilə aktuallaşdı.
