Raport.az ABŞ Müdafiə Nazirliyinin Müdafiə Əməkdaşlıq Agentliyinə (DSCA) istinadən xəbər verir ki, ABŞ Dövlət Departamenti Hellfire raketləri və digər sistemlərinin Polşaya mümkün satışına 150 milyon dollara icazə verib.
Daha əvvəl Polşanın ABŞ-dan 800 belə raket və digər sistemlərin alınması üçün icazə tələb etdiyi vurğulanır.
Agentlik daha əvvəl Dövlət Departamentinin Tayvana təxminən 619 milyon dollar dəyərində Amerika F-16 qırıcı sursatları və digər ləvazimatlarının mümkün satışını təsdiqlədiyini bildirmişdi. Beləliklə, agentlik Birləşmiş Ştatların Tayvanın ordusunu modernləşdirmək və müdafiəni saxlamaq səylərini dəstəkləməyi planlaşdırdığını bildirmişdi.
Məlum olub ki, Dövlət Departamenti Böyük Britaniyaya 125 milyon dollara 600 ədəd Javelin insan daşına bilən tank əleyhinə raket komplekslərinin (ATGM) satışına dair sazişi təsdiqləyib.DSCA qeyd edib ki, komplekslərin satışı ABŞ-ın məqsədlərinə xidmət edəcək.
