Təhsilmizdə nə baş verir? Təhsilin inkişafının qarşısına daş qoyanlar kimlərdir? Orta məktəb şagirdlərinin son buraxılış imrahanlarındakı narazılıqlar birdən meydana çıxdı, yoxsa illərlə daha da dərinləşdi? Niyə dövlət məktəbləri təmir elətdirir, təhsil iççilərinin rifah halının yaxşılaşdırılması üçün proqramlar həyata keçirir, amma pulsuz orta məktəblər hesabına şagirdlərimiz ali təhsil ala bilmir? DİM-in qarışıq, çətin suallarla şagirdləri incik salması nəyə hesablanıb? Milli Məcliain deputatı Ceyhun Məmmədovla bu suallara aydınlıq gətirməyə çalışdıq. Raport.az Ceyhun müəllimin DİM və təhsil barədə fikirlərini təqdim edir:
Ancaq son zamanlar Dövlət İmtahan Mərkəzinin hədəfə alınmasını, ləğvi ilə bağlı fikirlərin səsləndirilməsini yanlış və bir sıra hallarda məqsədli hesab edirəm.
Hər bir qurumun fəaliyyətindən, qəbul etdiyi qərarlardan kimlərsə narazı ola bilər. Ancaq bu o demək deyil qurum və ya sistem ləğv edilməlidir.
Hesab edirəm, bu gün ölkədə fəaliyyətini ən peşəkar səviyyədə quran qurumlardan biri də Dövlət İmtahan Mərkəzidir. Əgər kimsə düşünürsə ki, bu qurumun və sistemin ləğvi ilə təhsilimiz daha ağ günə çıxacaq yanılır. Onsuz da bu gün uzun illərdir yaranmış ənənələrin mərhələli və məqsədli şəkildə pozulduğunu bir sıra hallarda müşahidə edirik.
İmtahanların çətin olması fikrinə gəldikdə isə bunun hansısa məqamda və mərhələdə çətin olması fikri nəzərdən keçirilə bilər. Bu gün hesab edirəm, onsuz da ali məktəblərə qəbulu kifayət qədər asanlaşdırmışıq. Biz hamının ali təhsilə kütləvi gəlməsi barədə deyil, oxumağa həvəsi və potensialı olan insanların gəlməsi barədə düşünməliyik.
Valideynlərə və bizim dəyərli övladlarımıza gəldikdə isə bilməlisiniz ki, bu gün şəffaf şəkildə imtahan prosesində iştirak etdiyinz halda gələcəkdə fərqli vəziyyət və hallarla üz-üzə qala bilərik.
Bu gün Dövlət İmtahan Mərkəzinin ləğvini, müsabiqədən kənar qəbulu dəstəkləyən insanların niyyətləri onların heç də bu fikirdə saf və təmiz olması demək deyil. Burada çirkin məqsəd və niyyətlər də var. Bəzilərinin buna biznes gözü ilə baxması da istisna deyil. Ona görə hissə qapılaraq total hücuma keçib kimlərinsə dəyirmanına su tökməyək.
Eyni zamanda hesab edirəm, Dövlət İmtahan Mərkəzi də narazılıqları görməməzlikdən gəlməməli və qulaqardına vurmamalıdır. Əgər hansısa məsələdə obyektiv narazılıq varsa, bu ciddi təhlil edilməli nəticələr ictimaiyyətə açıqlanamlıdır. Gəlin təhsilimizi qoruyaq, onun təəssübünü çəkək.
