Yaxın günlərdə təkrar sertifikasiyadan keçən müəllimlərin göstərdiyi nəticələr hər birimizi xəyal qırıqlığına uğratdı. Min bir əziyyətlə məktəbə uşaq yola salan valideynlər isə cəmiyyətin çoxluq təşkil edən zümrəsi olaraq bu xoşagəlməyən vəziyyətdən daha çox üzüldü və narahat oldular.
Ailə və Uşaqlara Sosial Dəstək İB-nin sədri Elnurə Abuşovanın fikrincə Azərbaycanda təhsilin keyfiyyətini və müəllimlərin peşəkarlığını artırmaq üçün bir sıra addımlar atıla bilər. Bunlardan ən önəmlisi davamlı peşə inkişafıdır. Müəllimlər daima özlərinin peşəkarlığı istiqamətində işləməlidirlər. Müasir dövrün tələblərinə uyğunlaşmalıdırlar. Elmi və metodiki yeniliklərlə maraqlanmalı, inkişafa açıq olmalıdırlar. Keçmişdəki çatışmazlığı gələcək üçün sui-istifadəyə çevirməməlidirlər. İşləmək istəyirsə, nüfuzunu düşünürsə, ilk növbədə özünün peşəkarkığına çalışmalıdırlar. Eyni zamanda müəllimlərin ehtiyacları müəyyənləşdirilərək məktəb rəhbərliyinin də dəstəyi ilə müntəzəm səmərəli təlimlər, seminarlar, proqramlar təşkil edilməli, müəllimlərin yeni tədris metodikaları və texnologiyaları ilə tanış olmaları təmin edilməlidir.
Motivasiya, əməkdaşlıq və mükafatlandırma sistemi də peşəkarlığın artırılmasına xidmət edən vasitələrdəndir. Yüksək nəticələr göstərən və innovativ tədris metodları tətbiq edən müəllimlərlə əməkdaşlıq qurulmalıdır. Bu müəllimlər təqdir olunmaqla işlərinə daha çox həvəs göstərmələrinə və rəqabətə, inkişafa səbəb olacaqdır
Elnurə xanım onu da bildirdi ki, yeniliklərə adaptasiya da bu sahədə önəmli faktordur: İiənnovativ tədris metodları və texnologiyaların tətbiqi bütün müəllimlərin fəaliyyətində bir vərdişə çevrilməlidir. Müəllimlərin müasir tədris vasitələri və texnologiyaları ilə təchiz edilməsi və onların bu vasitələrdən effektiv istifadə etmələri üçün təlimlər keçirilməlidir.
QHT sədri dövlətin qayğısı nəticəsində tam təmir edilən, yenidən tikilib istifadəyə verilən məktəblərin sayının artırılmasının da təhsilverənin iş keyfiyyətində müsbət dönüş yaradacağına əmindir. Əmək şəraitinin yaxşılaşdırılması, müəllimlərin işlədikləri mühitin yaxşılaşdırılması, onların ehtiyaclarının nəzərə alınması və dəstəklənməsi, maddi və mənəvi şəraitin yüksəldilməsi vacibdir. Bunlar həm də müəllimlərdə məsuliyyət yaradan amillər sayılır.
E.Abuşovanın fikrincə müəllim peçəsini sevmək, yüksək bal toplayan abituriyentləri müəllimliyə cəlb etmək üçün əməkhaqqının artırılması əsas şərtlərdəndir. Müəllimlərin maddi təminatının yaxşılaşdırılması onların peşələrinə daha ciddi yanaşmalarına və motivasiyalarının artmasına kömək edər.
Xanımın fikrincə əməkdaşlıq və təcrübə mübadiləsi təhsiıverənin təcrübısini artıran amillərdəndir. Buna görə də müəllimlərin yerli və xarici həmkarları ilə təcrübə mübadiləsi etmələri üçün proqramlar və imkanlar yaradılmalıdır.
Elnurə xanım hesab edir ki, müəllim hər zaman axtarışda olmalı, dərs saatının bitməsi ilə işini bitmiş hesab etməməlidir. Araşdırma və innovasiya dəstəyi hər bir müəllim üçün vacibdir. Müəllimlərə öz sahələrində tədqiqatlar aparmaq və yeniliklər yaratmaq üçün dəstək göstərilməli, onların elmi fəaliyyətlərinə şərait yaradılmalıdır.
Fəaliyyəti dövründə psixoloji vəziyyəti qabedici müəllimlərlə rastlaşdığını deyən S.Abbasova peşəkarlığın artırılmasına doğru atılan addımlar sırasında psixoloji dəstəyi vacib sayır: “Hər bir müəllim müxtəlif ailələrdən gəlir. Biz bilmirik ailədə vəziyyət necədir. Müəllimlərə işlərində stresslə mübarizə aparmaq üçün psixoloji dəstək proqramları təşkil edilməlidir”.
Onun sözlərinə gprə bəzən valideynlərlə düzgün qurulmayan kommunikasiya da, müəllimləri ruhdan salır, düzgün olmayan yanaşma onların əziyyərini yerə vurur, yanlış rəy formalaşdırır. Buna görə də valideynlərlə əməkdaşlığa hər zaman xüsusi önəm verilməlidir Valideynlərin təhsil prosesində aktiv iştirakı təşviq edilməli, müəllimlər və valideynlər arasında daha yaxşı əlaqələr qurulmalıdır.
Qht rəhbəri əmindir ki, bu addımların birgə və ardıcıl şəkildə tətbiqi müəllimlərin peşəkarlığını artırmaqla yanaşı, təhsilin ümumi səviyyəsini də yüksəldəcək
