13 avqustda Bakı Biznes Universitetində, 16 avqustda isə Lənkəran şəhər M.Bağırov adına 1 nömrəli tam orta məktəbdə baş tutacaq forumda ixtisas seçimi meyarları, kodlaşdırma zamanı diqqət edilməli məqamlar, prosesin psixoloji aspektləri və ixtisas qruplarına daxil olan əsas istiqamətlər və onların gələcək perspektivləri haqqında ətraflı məlumat veriləcək, peşələr üzrə vörkşoplar təşkil olunacaq.

Tədbirlərdə abituriyentlərlə yanaşı, 9-11-ci sinif şagirdləri və onların valideynləri, müəllimlər, təhsil ekspertləri, karyera məsləhətçiləri də iştirak edə bilərlər.

Əsas məqsəd iştirakçıları müasir əmək bazarının tələbləri barədə məlumatlandırmaq, abituriyentlərin düzgün ixtisas seçimi etmələrinə dəstək olmaqdır.

Bakıda təşkil ediləcək forumda iştirak etmək üçün onlayn müraciət formasını doldurmaq tələb olunur. Seçilmiş iştirakçıların elektron poçt ünvanlarına dəvət məktubu göndəriləcək. Son müraciət tarixi 08 avqustdur.

Qeydiyyat linki: https://forms.gle/piN8AWv3D1QqZSwm8

Lənkəranda baş tutacaq Forumda iştirak etmək istəyən şəxslər isə 16 avqust tarixində saat 09:00-da Lənkəran şəhər M.Bağırov adına 1 nömrəli tam orta məktəbə yaxınlaşa bilərlər.