Ermənistan və onun nəzarətində olan Qarabağ rəhbərliyi münaqişənin sülh yolu ilə həllində maraqlı deyil. Platforma.az xəbər verir ki, bu barədə Qarabağ separatçılarının “prezident” seçilməsi ilə bağlı Azərbaycan XİN-in saytında yayılan məlumatda deyilir.
“Status-kvonu saxlamaq və işğalçılıq siyasətini davam etdirmək üçün addımlar atan Ermənistan və onun yaratdığı qondarma rejim sülh prosesində qətiyyən maraqlı deyil, əksinə, təxribat və münaqişənin gərginləşdirilməsi yolu tutub”, – bəyanatda deyilir.
Şöbə qeyd edib ki, ölkədə siyasi iradənin ifadəsi üçün yeganə legitim əsas Azərbaycan qanunları və Konstitusiyasıdır. Bəyanatda Ermənistanın ölkənin daxili işlərinə kobud müdaxiləsindən də bəhs edilir.
Xarici İşlər Nazirliyi qeyd edib ki, regionda sülh və sabitliyə nail olmağın yeganə yolu Ermənistan silahlı qüvvələrinin Qarabağdan qeyd-şərtsiz və tam çıxarılmasıdır.
