Erməni əsilli rusiyalı tennisçi Karen Xaçanov ötən gün Avstraliya Açıq Çempionatında törətdiyi təxribatı təkrarlamaq qərarına gəlib.
Raport.az-ın məlumatına görə, cəzasızlıqdan ruhlanan K.Xaçanov yaponiyalı Yoşihito Nişioka ilə görüşü başa vurduqdan sonra separatçılara dəstək üçün yarışda yenidən kameranı korlayıb. Tennis təxribatçısı yazısını guya Azərbaycan tərəfinin təşkil etdiyi “Laçın yolunun blokadası”na həsr edib.
Lakin ermənilərin Avstraliyadakı təxribatçı davranışları bununla bitmədi. Erməni azarkeşlər öz kumirlərinin ardınca kortun tribunalarından separatçı atributlar asıblar.
Adətən deyirlər ki, idman siyasətdən kənardır. Amma gözümüzün qabağında ermənilərin öz təxribatları ilə bu prinsipi necə məhv etdiyini görürük. Bu cür turnirlərdə təşkilatçılar ən kiçik siyasi jestləri boğmağa çalışsalar da, K.Xaçanova qarşı rəsmi xəbərdarlıq belə edilməyib. Hələ idmançı diskvalifikasiya olunmalı və raund məbləğində cərimə olunmalı idi.
Bu arada Rusiyada Azərbaycana qarşı təxribatlara görə K.Xaçanova qarşı sanksiyalardan danışmağa başlayıblar. “Rusiyalı tennisçi Karen Xaçanov Avstraliya Açıq çempionatında oyundan sonra tanınmamış “Qarabağ”ı dəstəklədiyinə görə mümkün sanksiyalardan qorxmalıdır”, – deyə Rusiyanın əməkdar məşqçisi Vladimir Kamelzon “Match TV”yə açıqlamasında bildirib.
– Karen diqqətli olmalıdır ki, heç kimi təhrik etməsin, çünki hər hansı bir hərəkət diqqətlə nəzərdən keçirilir. Düşünürəm ki, biz hansısa sanksiyalardan qorxmalıyıq. Biz həmişə deyirik ki, kortda tennis oynamaq lazımdır. Düşünmürəm ki, idman siyasətdə olmalıdır, – deyə V.Kamelzon vurğulayıb.
Sual yaranır – niyə Avstraliya Açıq Çempionatının təşkilatçıları və Beynəlxalq Tennis Federasiyası bu hərəkətlərə cavab vermir?
Xatırladaq ki, Azərbaycan Tennis Federasiyası Beynəlxalq Tennis Federasiyasına etiraz məktubu göndərib, burada ölkəmizə qarşı yönəlmiş təxribatla bağlı faktlar və hüquqi sənədlər təqdim olunub. Lakin Beynəlxalq Tennis Federasiyası hələlik məktuba cavab verməyib və K.Xaçanov cəzasız qalıb.
