Filmin dublyajı tamamilə süni intellekt texnologiyası ilə həyata keçirilib. Bu zaman müxtəlif alqoritmlərindən istifadə edilərək aktyorların orijinal səsləri saxlanılıb, onların danışığındakı ahəng və emosiyalar tam şəkildə qorunub.

Layihənin əsas məqsədi 35 il əvvəl baş vermiş 20 Yanvar hadisələrinin tarixi həqiqətlərini, xalqın mübarizə ruhunu və qəhrəmanlığını, Azərbaycan dənizçilərinin şücaətini dünya ictimaiyyətinə, xüsusilə ingilisdilli auditoriyaya çatdırmaqdır.

Qeyd edək ki, bu, ASCO-nun süni intellektdən dublyaj məqsədilə istifadə etdiyi ilk layihədir.

Onu da əlavə edək ki, “20 yanvarda doğulanlar” bədii-sənədli filmi ASCO-nun sifarişi ilə çəkilib və 2023-cü ildə təqdim olunub. Quruluşçu rejissoru Əməkdar incəsənət xadimi Elxan Cəfərov olan filmin ssenarisi tarixi araşdırmalar nəticəsində üzə çıxan arxiv sənədlər, şahidlərin və ekspertlərin söylədiyi faktlar əsasında hazırlanıb.