Çoxdandır ki, yazmağa vaxt tapmıram. Amma heç olmasa Milli Mətbuat Günü münasibətilə bir xatirə kimi bu qeydləri bölüşmək istədim. Söhbət Milli Məclisin deputatı Əlibala Məhərrəmzadəyə məxsus olduğu iddia edilən çoxşaxəli biznes strukturlarından gedir. Bloger Cavanşir Həsənlinin sosial şəbəkə hesabında paylaşdığı məlumatlara əsasən, deputatın fəaliyyəti təkcə qanunvericiliklə məhdudlaşmır.
Shahdag Quba Truskavets Medical və VIP Sanatorium
SHAH MEBEL istehsal fabriki
INTERNATIONAL LEASING COMPANY, CAPITAL LEASING, RAHAT KREDİT LOMBARD
TRENDPAY elektron ödəniş sistemi
CASPIAN AUDIT COMPANY, Caspian Standart CO LLC
BAKI METAL SERVICE MMC
MARYAM FOUNDATION və DIALOG FREIGHT şirkətlər qrupu (Azərbaycan və Böyük Britaniyada qeydiyyatlı)
AGROLAYN QROUP MMC
Qanun pozuntuları və şübhəli əməliyyatlar
AGROLAYN QROUP MMC-yə qarşı ötən il İnzibati Xətalar Məcəlləsinin 430.4-cü maddəsi ilə protokol tərtib olunub. Şirkət xaricdən mal idxal etmədiyi halda ölkədən avans yolu ilə vəsait çıxarmış, yəni, pul köçürülüb, amma qarşılığında heç nə gətirilməyib. Maraqlıdır ki, bu şirkət 2021-ci ildə Türkiyənin Hopa şəhərindən “Sarıkız” mineral suları və qazlı içkilər idxal edib.
Abşeron Tekstil MMC də ötən il gömrük qaydalarının pozulmasına görə inzibati cəza alıb – malların düzgün bəyan edilməməsi ilə əlaqədar.
Xaricdəki ayaq izləri
Deputatın beynəlxalq fəaliyyəti də diqqətdən kənarda qalmır. Məsələn, SHAHDAĞ İÇ DIŞ TİCARET İTHALAT İHRACAT LİMİTED ŞİRKETİ adlı şirkət Türkiyədə qeydiyyatdadır və qida məhsullarının topdansatışı ilə məşğuldur. Bu şirkət vasitəsilə 2021-ci ildə Azərbaycana ikinci əl paltaryuyan maşınlar gətirilib.
Deputatın həyat yoldaşı Nərmin Məhərrəmzadənin adına Türkiyədə qeydiyyatdan keçmiş BİSOU GÜZELLİK VE KOZMETİK şirkəti isə 2022-ci ildə saxta kosmetik məhsulların dövriyyəsinə görə cərimələnib.
Əlibala Məhərrəmzadənin bacısı oğlu Fuad Babazadə hazırda Böyük Britaniyada yaşayır. Onun Aberdeendə və Londonda icarəyə verdiyi iki mənzil barədə elanlar yayılıb. Bu əmlaklardan biri Sir William Wallace Wynd, digəri isə Dalling Road ünvanındadır.
Bu yazıda sadalanan bütün məlumatlar bloger Cavanşir Həsənlinin sosial şəbəkə paylaşımına əsaslanır. Bütün hallarda təqdim edilən faktlar daha ətraflı jurnalist araşdırması tələb edir və obyektivliyin qorunması üçün qarşı tərəfin mövqeyini öyrənib xəbərə əlavə edəcəyik.
