Səfir və həyat yoldaşının skuter gəzintisi başlarına bəla oldu.
Time TV bildirir ki, Brüsseldə Azərbaycanın NATO-dakı (Şimali Atlantika Bloku) səfiri Cəfər Hüseynzadə və xanımı döyülüb. Onların başlarına vuraraq bahalı saatlarını əllərindən alıblar.
Belə ki, səfir xanımı ilə icarəyə götürdüyü skuterdə olan zaman iki şəxs revolverin qundağı ilə onların başına vurub. Onları yerə yıxıb döyərək hər biri 90 min avro dəyərində iki ədəd “Rolex” saatını qollarından açıb aparıblar. Səfir quldurlar getdikdən sonra polisə şikayət edib.
Xatırladaq ki, Cəfər Hüseynzadə 2022-ci ilin oktyabrında Azərbaycan Respublikasının NATO yanında Nümayəndəliyinin başçısı təyin olunub.
