Deputat Ramin Məmmədov Dini Qurumlarla İş üzrə Dövlət Komitəsinin sədri təyin olunub. Bununla da 125 yerlik parlamentdəki boş yerlərin sayı 10-a yüksəlib.
Son seçkidən bəri 4 deputat yeri seçki pozuntusuna görə ləğv edilib, üç deputat vəfat edib, biri həbs edilib, ikisi isə digər vəzifəyə təyin olunub.
Konstitusiyanın tələbinə görə, Azərbaycanda növbəti parlament seçkiləri noyabrda olmalıdır. Ancaq həmin dövrdə ölkədə həm də COP29 olacağından bir çox siyasi şərhçilər hesab edir ki, yaxın aylarda ölkədə parlament seçkiləri elan edilə bilər.
